2015 جىلى قۇرىلعان «SATUC» ۇيىمى الەم بويىنشا پاناسىز قالعان بالالارعا قامقورلىق ەتىپ, جان-جاقتى قولداۋ كورسەتىپ كەلەدى. شەيحا ءال ءتانيدىڭ باستاماسىمەن جىل سايىن بالالار ۇيلەرىنىڭ تاربيەلەنۋشىلەرى اراسىندا فۋتبولدان الەم چەمپيوناتىن ۇيىمداستىرىپ وتىرادى. سايىستار رونالدو, ز.زيدان, ا.دەل پەرو سياقتى الەم فۋتبولى جۇلدىزدارىنىڭ قولداۋى جانە قاتىسۋىمەن وتەدى.
سۇحبات بارىسىندا «SATUC» قايرىمدىلىق قورىنىڭ قازاقستانمەن ىنتىماقتاستىق قۇرۋ جولدارى قاراستىرىلدى. اسىرەسە, جەتىم بالالاردى سپورتقا باۋلۋ, ولاردىڭ شەت ەلدەرگە ساپارلارىن ۇيىمداستىرۋ جانە الەمدىك سايىستارعا قاتىستىرۋ ماسەلەلەرى تالقىلاندى.
ش.ءال ءتاني 2019 جىلعى جەلتوقساندا ماروككودا وتەتىن فۋتبولدان بالالار ۇيلەرى تاربيەلەنۋشىلەرى اراسىندا وتەتىن چەمپيوناتقا قازاقستان قۇراما كومانداسىنا شاقىرۋ تابىستادى. سونىمەن قاتار, «SATUC» قايرىمدىلىق قورى 2020 جىلى قازاقستاندا قىزداردىڭ فۋتبولدان ءبىرىنشى الەم چەمپيوناتىن ۇيىمداستىرۋدى ۇسىندى. ءىس-شارانىڭ باستى ماقساتى مەملەكەت قامقورلىعىنداعى بالالاردىڭ سپورتتىق ويىندارعا قاتىستىرۋ ارقىلى ولاردىڭ دامۋىنا مۇمكىندىك بەرۋ, قوعام تاراپىنان ومىرلىك ماقساتتارىن ىسكە اسىرۋعا جان-جاقتى قولداۋ بولىپ تابىلادى.
